Ұстаз атына ода немесе өзім туралы сыр... Ұстазбын мен, ұста мінез, ұстамдылық негізі, Сабырлымын, салмақтылық абыройдың егізі. Тәрбиемін, өнегемін, татулығы тамырлас Адалдықтың арашасы, білімнің көк теңізі. Зейіндімін, ақыл - ойдың ардақтысы, адаммын, Мейіріммін, айырмасы жақсы менен жаманның. Еңбекшілмін, ерінбеймін білімімді шыңдауға Келешектің бағдаршамы, аттаған әр қадамың. Тағылыммын, жүректердің, тілектердің төресі, Ең асыл ат – мұғаліммін, кеңістіктей өресі. Парасатпын, түсінікпін, адал жүрек иесі Жақсылықпын, маған құрмет, мен шығатын төр осы. Үйіп - төгіп, құятұғын бар білімін санаға, Рақымшылық, разылықпен айналатын данаға. Ерінбейтін, елім дейтін мың жасасын ұстаздар Гүлің өркен, Ізің көркем құрмет ұстаз анаға!!!