Сабақ туралы қысқаша мәлімет

Сабақ тақырыбы

Кеңістікте бағдарлану және допты бір-біріне беру дағдыларын дамыту

Сынып

7-сынып

Мектеп

№24 Жалғызқұдық

Мұғалім

Зампай Өнербек

Қатысушылар

Қатысқандар саны

—

Қатыспағандар

—

Оқыту мақсаттары

7.1.2.2

Әртүрлі физикалық жаттығуларды орындау кезінде комбинациялық қозғалыстарды жетілдіру.

7.2.4.4

Қызметті оңтайландыру және баламаларды әзірлеу аясында жеке жаттығуларды құрылымдық тәсілдер арқылы орындау ережелерін көрсету.

Сабақ мақсаттары

Барлық оқушылар

  • Шағын ойын тапсырмалары барысында топта қауіпсіз жұмыс істейді.
  • Бәсекелестік ойында негізгі шабуыл және қорғаныс стратегиялары мен тактикаларын қолданудың түрлі жолдарын табады.
  • Ойын кезінде қорғаныс пен шабуылда шығармашыл болудың маңызын түсінеді.

Оқушылардың көпшілігі

  • Сандық артықшылық тапсырмалары кезінде командада тиімді жұмыс істейді.
  • Сәтті ойын үшін аралық қорғаныс және шабуыл стратегиялары мен тактикаларын өзара байланыстырады.
  • Ойын барысында шығармашыл жүгіру, пас беру және қозғалыс дағдыларын дамытады.
  • Басқа оқушыларды бақылап, олардың шығармашылығын дамытуға арналған тәсілдер ұсынады.

Кейбір оқушылар

  • Бастамашылдық, қиял және шығармашылықты көрсететін озық қорғаныс және шабуыл тактикаларын әзірлейді.
  • Озық шабуыл және қорғаныс стратегиялары мен тактикаларын талдап, сынақтан өткізеді.

Бағалау критерийлері

  • Оқушы допты еденге соғып, кедергілер арасымен бағытты өзгерте отырып алып жүру техникасын біледі.
  • Оқушы әртүрлі жағдайда әріптесіне допты ирек сызық бойымен беру тәсілдерін меңгереді.
  • Оқушы топпен алаңда бағдарлап қозғалу кезінде белсенділік көрсете алады.

Тілдік мақсат

Ойын барысында өзінің және өзгелердің орындауын түсініп, талдау; жаңа тактика мен стратегияларды құрастыру және оларды негіздеу.

Кілт сөздер мен тіркестер

  • Шабуыл элементтері бар ойындар
  • Жүру, өту, бағыттау, қабылдау, қағып алу
  • Күрес: оқшаулау, допты қағып әкету
  • Соққы, пас, беру
  • Шабуылдау, қорғау, қарсылас
  • Ынтымақтастық, бәсекелестік
  • Тактика, стратегия
  • Жүгіру, жалтару, бағыт пен жылдамдықты өзгерту
  • Ұпай есептеу жүйесі, ережелер, тәуекелдерді басқару

Сыныптағы талқылауға арналған сұрақтар

  • Қорғаныс ойыншысын жеңудің қандай тәсілдерін білесіңдер?
  • Есепті жүргізу үшін қандай ойын әрекеттерін білесіңдер?
  • Неліктен шабуыл кезінде назарды бір ойыншыға шоғырландырған тиімді?
  • Допты қағып алу немесе ұстап қалу үшін қандай тактикаларды қолдандыңдар?