Төмендегі ойындар мен тапсырмалар оқушылардың логикалық ойлауын дамытуға, сөздік қорын байытуға және тілдік дағдыларын жетілдіруге бағытталған. Әр тапсырма сыныпта жеке, жұптық немесе топтық форматта қолдануға ыңғайлы.

«Адасқан әріптер» ойыны

Мақсаты: логикалық ойлау қабілетін жетілдіру.

Ойын шарты: берілген әріптердің орнын ауыстыра отырып, сөз құрастыру.

Тапсырмалар

  • Қ, у, о, ы, ш — ________________________
  • Т, п, і, к, а — ________________________
  • І, і, б, л, м — ________________________
  • М, м, ғ, ұ, а, л, і — ________________________

«Шашылған дыбыстар» ойыны

Мақсаты: шашылған дыбыстардан сөз құрастыру арқылы баланың сөздік қорын молайту және шапшаң ойлауға тәрбиелеу.

Ойын шарты: сыныпты бірнеше топқа бөліп, ойынды жарыс түрінде өткізуге болады. Әр топ берілген дыбыстардан мүмкіндігінше көп сөз құрастырады.

Мысал

а, л, к, л, й, ү, н дыбыстарынан мынадай сөздер құрауға болады: ай, күн, үй және т.б.

«Қалалар» ойыны

Мақсаты: Қазақстан Республикасының қала атауларын қаншалықты есте сақтағанын тексеру және қала атауларын дұрыс жазуға дағдыландыру.

Ойын шарты: торкөздер ішінде шашыраңқы орналасқан әріптердің басын қосып, торкөздердің ішінен қала атауларын табу.

«Жалғасын тап» ойыны

Мақсаты: мақал-мәтелдерді есте сақтау қабілетін арттыру.

Ойын шарты: мақал екі бөлікке жазылады: бірінші жолында басы, екінші жолында соңы беріледі. Басы мен соңы орындары ауыстырылып ұсынылады. Оқушының міндеті — сызықшамен қосу арқылы мақалдың толық нұсқасын құрастыру.

Тапсырма

Мақалдың басы

  • А) Ердің сыншысы
  • Ә) Жақсы болсаң,
  • Б) Ерлік білекте емес,
  • В) Жері байдың
  • Г) Ақыл — дос,
  • Ғ) Кім еңбек етсе
  • Д) Мал баққанға
  • Е) Адам деген —

Мақалдың соңы

  • ардақты ат,
  • жүректе
  • ашу — дұшпан
  • ел
  • сол тоқ
  • жақын көп
  • елі бай
  • бітеді

Ескерту: Оқушылар мақалдың басы мен соңын сәйкестендіріп, жұптарын сызықпен қосады.

«Сын есімдер ұясы» ойыны

Мақсаты: сын есімдерді мағынасына қарай топтап жазуға дағдыландыру.

Ойын шарты: оқушыларды топқа бөліп, орындарында отырып жұмыс істетуге болады. Тақтаға сын есімдер тізбегі жазылады, әр топқа кесте таратылады. Оқушының міндеті — берілген сын есімдерді кестедегі тиісті бағандарға орналастыру.

Сын есімдер тізбегі (үлгі)

ақ қысқа таза дәмді тәтті шұбар өткір үшкір жуан дөңгелек жалпақ тұщы қалың жұқа т.б.

Слайд жүктеу

Логикалық ойлау қабілеттерін жетілдіруге арналған тапсырмалар бойынша слайдты жүктеп алыңыз.

Слайдты жүктеу Нұсқаулық