Сабақтың тақырыбы

«Қатты денелердің қасиеттері» тарауын зертханалық тәжірибелер арқылы қорытындылау.

Сабақтың мақсаты

Білімділік

Жаңа ақпараттық технологияларды сабақ үдерісіне тиімді енгізу арқылы оқушылардың логикалық ойлау қабілетін дамыту; физикалық тілде сауатты сөйлеуге, физикалық есептерді шешуге үйрету; білімге құштарлықты арттыру және техникалық шеберлік пен ұқыптылыққа баулу.

Дамытушылық

Өз бетінше жұмыс істеу дағдысын қалыптастыру арқылы логикалық ойлауды дамыту; компьютер мен өзге де ақпараттық құралдарды пайдаланып, оқу-танымдық мәселелерді шешу жолдарын меңгерту.

Тәрбиелік

Қазіргі ақпараттық құралдарға қызығушылықты арттыра отырып, еңбекке тәрбиелеу; әртүрлі есептерді шешу кезінде жоспар құра білуге және жұмысты жүйелі орындауға дағдыландыру.

Сабақ түрі

Зертханалық жұмыс.

Сабақтың көрнекілігі

  • Компьютер
  • Интерактивті тақта
  • NOVA құрылғысы (Activstudio, activusb, activserial)
  • Дидактикалық материалдар