Қыз есімдерінің мағынасы мен төркіні

Төменде қазақ есімдік қорында жиі кездесетін бірқатар қыз есімдерінің шығу тегі мен мағынасы берілген. Түсіндірмелер араб, иран (парсы), латын, грузин және қазақ тілдік қабаттарымен байланысты.

Ғ әрпінен басталатын есімдер

Ғазиза (Қазиза)
Араб тіліндегі «азиз» сөзінен: күшті, қуатты, сондай-ақ сирек, бағалы, сүйкімді, қадірлі. Мағынасы — аса сирек кездесетін, қадірлі, сүйкімді қыз. Өзгерген түрі: Қазиза.
Гайни, Гайния
Араб тіліндегі «эйнь» сөзімен байланысты: кез, ең маңызды, аса елеулі.
Ғайнижамал
Араб тілінен: әдемі, көркем, тана көз (сұлу көзді) деген мән береді.
Ғалима
Араб тілінен: білімді, дана, оқымысты қыз, әйел.
Ғалия
(Қараңыз: Әлия.)
Ғарифа
Араб тілінен: көмекші, оқушы, аға бастық деген мағына береді.
Ғафура
Араб тілінен: кешірімшіл.

Д әрпінен басталатын есімдер

Дайана
Латын тілінен алынған Диана есімімен байланысты: пәктік пен ай құдайының аты.
Дамира
Жаңа есім: «Да здравствует мир» тіркесінен жасалған, әйел есіміне тән -а қосымшасы жалғанған нұсқа ретінде түсіндіріледі.
Дана
Иран тілінен: білгір, данышпан.
Данагүл
Иран тілінен: гүлдей құлпырған дана, данышпан, ақылды деген мәнде қойылған есім.
Дара
Қазақ тілінен: ерекше, өзгеше, яғни басқадан артық. Бұл есім бала өзгеден озық, ақылды не сұлу болсын деген тілекпен қойылады.
Дариға
Иран тілінен: «шіркін-ай», «ойпырай» сияқты таңданысты, көңіл күйді білдіретін сөз. Ауыспалы мағынасы — керемет, тамаша.
Дария
Иран тілінен: теңіз, ұлы өзен.
Дәлила
Араб тілінен: белгілі, таныс, жол көрсетуші, жолбасшы, жетекші. Мағынасы — жөн сілтеуші, бағыт беруші, ағартушы.
Дәмелі
Үмітті, үміткер.
Дәмина (Дамина)
Араб тілінен: жақсарушы, әдемі, көркемдеуші, күшті, мығым. Өзгерген түрі: Дамина.
Дәнеш (Данеш)
Иран тілінен: білім, ғылым.
Дидара
Иран тілінен: түр, жүз, келбет. Қыз бала көрікті, келбетті болсын деген тілекпен қойылған есім.
Дила
Грузин тілінен: жарық таң. Бала сұлулығын жарық таңға балаудан қойылған есім.
Дильназ
Парсы тілінен: «өмір еркесі». Қосымша бөлігі «наз» — еркелік, қылық мағынасын береді.
Динара
Араб тілінен: алтын тиын, ақша.
Дүния
Араб тіліндегі «дунйа» сөзінен: әлем, жер жүзі; сондай-ақ өмір, тіршілік.
Дүрия
Иран тілінен алынған «дуруйе»: жібектен тоқылған әдемі мата.
Ділара
Иран тілінен: көңіл көтеруші, сүйген жар, аса әдемі, өте сұлу.
Ділбара
Иран тілінен: сүйікті, өте сұлу.
Ділдә
Араб тілінен: алтын ақша, таза алтын.