Сабақ туралы қысқаша мәлімет
- Сабақтың тақырыбы
- Екі айнымалысы бар сызықтық теңдеулер жүйесін қосу тәсілімен шешу
- Сабақтың типі
- Интербелсенді
- Сабақтың түрі
- Жаңа білім беру
- Әдіс-тәсілдер
- Диалог Топтық жұмыс Жұптық жұмыс Метатану
- Талантты және дарынды оқушылар
- Дамира, Дәулет, Ақжол, Хава
- Сыни тұрғыдан бағалауға алынған оқушылар
- Дамира, Әсия, Қанағат
Жалпы мақсат
- 1 Оқушыларды екі айнымалысы бар сызықтық теңдеулер жүйесін қосу тәсілі арқылы шешуді меңгеруге бағыттау.
- 2 Өзі үйрене отырып, өзгені де үйрету дағдысын қалыптастыру.
- 3 Ұйымшылдыққа, сыйластыққа және ойды еркін әрі ашық жеткізуге тәрбиелеу.
Күтілетін оқу нәтижелері
- Екі айнымалысы бар сызықтық теңдеулер жүйесін қосу тәсілімен шеше алады.
- Шешу жолын түсіндіріп, дәлелдей алады және нәтижені тексере алады.
Негізгі идея
Оқушылар теңдеулер жүйесін өз бетінше, сенімді және қиналмай шеше алуы тиіс.
Ресурстар
- •Слайдтар
- •Ноутбуктер
- •Плакаттар
- •Бағалау фигуралары
Әдебиеттер мен дереккөздер
- Мұғалімдерге арналған нұсқаулық (44–49-беттер).
- Математика — Т. А. Алдамұратова, Т. С. Байшоланов.
- Нұсқаулық және бағдарламаның модульдері (12–14-беттер).
- А. Әлімов. Блум таксономиясы (147-бет).
- Математика оқыту әдістемесі. Алматы: Атамұра, 2011.
Сабақтың құрылымы мен барысы
Төменде сабақ кезеңдері оқушы әрекеті мен қолданылатын тәсілдерге сай жүйеленіп берілді. Негізгі басымдық — диалог, ынтымақтастық және сыни ойлау.
1) Топқа бөлу және ынтымақтастық атмосферасын құру
- Топ нөмірлері жазылған боялған асықтарды таңдау арқылы топтарға бөліну.
- Бір-бірінің ең жақсы қасиетін айту арқылы көтеріңкі көңіл қалыптастыру.
2) Білу: ауызша ойтүрткі сұрақтары
- Бұл тақырыптың мақсаты қандай деп ойлайсың?
- Осы сабақта өз алдыңа қандай мақсат қоясың?
- Осы тақырып бойынша не білесіңдер?
Мақсаты — оқушыларды ойлануға жетелеу және пікірін еркін айтуға мүмкіндік беру.
3) Түсіну: қосу тәсілін талдау (диалогтік оқыту)
Сұрақ қою үлгісі «бастама – жауап – кейінгі әрекет» форматына сүйеніп құрылады.
- Сұрақ 1: Айнымалылардың біреуінің коэффициенттері қарама-қарсы сандар болса, теңдеулер жүйесін қалай шешуге болады?
- Сұрақ 2: Айнымалылардың сәйкес коэффициенттері өзара тең болса, теңдеулер жүйесі қалай шешіледі?
- Сұрақ 3: Коэффициенттер өзара тең де, қарама-қарсы да болмаса, теңдеулер жүйесін қосу тәсілімен қалай шешеміз?
4) Қолдану: есептер шығару
Оқушылар қосу тәсілін қолдану жолдарын схема арқылы көрсетеді. Жұмыс барысында АКТ мүмкіндіктері пайдаланылады.
№1534
- 5x + y = 20
- 2x − 3y = 9
- 2x + 3y = 2
- 2x − y = 1
- 4x + 3y = 27
- −2x + 5y = 18
№1535
- 7x + 2y = 9
- 9x − 2y = −17
- x + 7y = 19
- 5x + 2y = 11
- x − 2y = 7
- x + 5y = 13
№1547
- 2x + 7y − 44 = 0
- x − 8y − 17 = 0
- 15x + 11y − 47 = 0
- 2x − 3y = −36
- 3x + 4y − 23 = 0
- 5x − y + 17 = 0
Сергіту сәті
«Қаражорға» жаттығуын орындау.
5) Талдау: өмірмен байланысты есеп (В бөлімі)
№1540. Асхат қорада жайылып жүрген лақтар мен тауықтардың аяқтарын санағанда, барлығы 46 аяқ болды. Бастарын санағанда, барлығы 17 болды. Асхаттың қорасында неше лақ, неше тауық жайылып жүр?
Мақсаты — тақырыптың өмірдегі қолданысын көрсету және логикалық талдауды дамыту.
6) Жинақтау: өз есебіңді құрастыр және шеш
- Екі айнымалысы бар сызықтық теңдеулер жүйесіне өмірлік жағдаятқа негізделген есеп құрастыру.
- Есепті қосу тәсілімен шешу және шешу жолын түсіндіру.
- Постермен жұмыс арқылы ортақ идеяны ұсыну.
Үй тапсырмасы
- №1536 (2, 4, 6)
- №1537 — 400-бет
Бағалау және рефлексия
Формативті бағалау критерийлері
- Белсенділік танытуы.
- Өз ойын жеткізе білуі және сұрақтарға толық жауап беруі.
- Негізгіні түсініп ажырата білуі және есепті дұрыс шығаруы.
- Тәртіп, сыйластық және ұйымшылдықтың сақталуы.
Топ мүшелері критерийлер бойынша бір-біріне кері байланыс береді.
Өзін-өзі бағалау және көшбасшылық
- Оқыту үшін бағалау және оқуды бағалау дағдыларын қолдану.
- Топ ішіндегі көшбасшылықты анықтау және қолдау.
Рефлексия сұрақтары
- Нені үйрендім?
- Не ұнады?
- Неліктен ұнады?
- Нені білгім келеді?
Мақсаты — кері байланыс орнату және келесі қадамды нақтылау.
Пікірлер жүктелуде…