Жаңа сабақ Сұрақ-жауап Интерактивті оқыту Пәнаралық байланыс: Ана тілі

Сабақтың мақсаты

Дамытушылығы

Оқушылардың шығармашылық және танымдық ойлау қабілеттерін дамыту.

Білімділігі

Көбейту мен бөлу амалдарының компоненттері және нәтижелерінің атауларымен таныстыру, білімдерін толықтыру.

Тәрбиелігі

Оқушыларды таза, әдемі, шапшаң жазуға тәрбиелеу; ауызша есептеу дағдыларын қалыптастыру. Ұйымшылдық пен тапқырлыққа баулу, тіл байлығын кеңейту.

Қажетті құралдар

  • Интерактивті тақта
  • Слайдтар
  • Оқулық

Сабақтың барысы

I

Ұйымдастыру кезеңі

  • Оқушылардың сабаққа қатысуын тексеру.
  • Психологиялық дайындық.
  • Сабақ мақсатын хабарлау: бүгін оқу-білім туралы мақал-мәтелдерге сүйене отырып, түрлі тапсырмалар орындаймыз.

Тірек ой: Халқымыздың оқу, білім туралы мақал-мәтелдері сабақтың әр бөлігінде ой қозғау мен ынталандыру құралы ретінде қолданылады.

II

Үй тапсырмасын тексеру

Тексеру тапсырмасы

Үйге берілген 6-мысал (әріпті өрнектің мәнін табу) тексеріледі. Оқушылар орындарынан отырып оқиды, өзара тексереді.

Мақал-мәтелдер арқылы белсендіру

«Оқусыз — білім жоқ, білімсіз — күнің жоқ» тақырыбында оқу-білім туралы мақал-мәтелдерді айту (3 қатар арасында жарыс түрінде).

Слайд №1: «Ой ойласаң — кең ойла, алды-артын тең ойла».

III

Жаңа білімді меңгерту және бекіту

Ой қозғау (Слайд №2)

  1. Қосылғыштардың орындары ауысқаннан кейін ненің мәні өзгермейді? Қосындының
  2. Қосу амалына кері амал қандай? Азайту
  3. Көбейту мен бөлу өзара қандай амалдар? Кері амалдар
  4. Көбейткіштердің орындарын ауыстырғаннан кейін ненің мәні өзгермейді? Көбейтіндінің
  5. Кез келген санды 1-ге көбейтсек, қандай сан шығады? Сол санның өзі
  6. Кез келген санды 0-ге көбейтсек, қандай сан шығады? 0
  7. Бір санның екінші саннан неше есе артық/кем екенін білу үшін не істеу керек? Үлкен санды кіші санға бөлу

Тірек мақал: «Кітап — білім бұлағы, білім — өмір шырағы».

Оқулықпен жұмыс (Слайд №3) — 1-мысал

Мақсат: санды 2-ге көбейту және 2-ге бөлуді пысықтау. Әр бағандағы өрнектердің байланысын түсіндіріп, сол сандарды қолдана отырып тағы қандай өрнектер жазуға болатынын айту.

3 × 2 = 6

6 : 2 = 3

2 × 3 = 6

6 : 3 = 2

Тірек ой: «Білім — алып күш, біле білу де — зор күш».

Ауызша жұмыс (Слайд №4) — 3-мысал

Көбейтуді бөлумен, бөлуді көбейтумен тексеру тәсілдері қолданылады.

Слайдтағы ой: «Көп ойласаң — дана боласың».

Есеп шығару (Слайд №6–7) — 4-есеп

Есеп тақтада орындалады: шарт талданады, шешуі түсіндіріледі, жауап тұжырымдалады.

Негізгі есеп

Барлығы
18 бала
Тең бөлінді
2 топқа
Әр топта
? бала

Шешуі: 18 : 2 = 9

Жауабы: әр топта 9 баладан.

Кері есеп

Барлығы
18 бала
Әр топта
9 бала
Тең бөлінді
? топқа

Шешуі: 18 : 9 = 2

Жауабы: тең бөлінді 2 топқа.

Слайд №5: «Оқы да біл, ойна да күл. Ойна, бірақ жұмысты да ойла».

Ауызша тапсырма — 5-мысал

Көбейтінді мен бөліндінің мәндерін табу (2-ге көбейту кестесіндегі 2, 7, 14 теңдіктері пайдаланылады).

14 : 7 = 2
7 × 2 = 14
2 × 7 = 14
14 : 2 = 7

Теңдеу шешу (жарыс түрінде) — 6-тапсырма

1) 8 : a = 4

a = 8 : 4

a = 2

Тексеру: 8 : 2 = 4

2) x : 2 = 4

x = 4 × 2

x = 8

Тексеру: 8 : 2 = 4

3) a × 2 = 8

a = 8 : 2

a = 4

Тексеру: 4 × 2 = 8

4) 2 × x = 8

x = 8 : 2

x = 4

Тексеру: 2 × 4 = 8

Өрнектер және амалдардың орындалу тәртібі — 7-мысал

Амалдардың орындалу тәртібі еске түсіріледі, ережесі сұралады. Тапсырма тақтада орындалады (2 және 3-бағандары үй жұмысына беріледі).

800 : 2 + 150 = 550

200 + 9 × 2 = 218

IV

Сабақты бекіту

  • Көбейтудің компоненттерін ата.
  • Бөлудің компоненттерін ата.
  • Көбейту амалын қандай амалмен тексереміз?
  • Бөлуді қай амал арқылы тексереміз?
V

Қорытынды

Білімді тексеру және қорытындылау үшін тест жұмысы орындалады.

VI

Үй тапсырмасы

Оқулық

  • 51-бет, 4-есеп (ә)
  • 7-мысал (2 және 3-баған)

Түсіндіру

Үй тапсырмасы қысқаша түсіндіріліп, орындау реті мен тексеру талаптары нақтыланады.

VII

Бағалау

Оқушылардың сабаққа қатысуы, ауызша жауаптары, тақтадағы жұмысы және тест нәтижелері бойынша бағаланады.