Сабақтың мақсаты

Бұл сабақта оқушылардың ұлттық ою-өрнек туралы білімін тереңдетіп, теорияны тәжірибемен ұштастыру көзделеді. Сабақ жарыс түрінде ұйымдастырылып, әр кезеңде белсенділік пен ұқыптылыққа басымдық беріледі.

Білімділік

Ою-өрнек өнері бойынша білімдерін тереңдету, қазақтың ұлттық ою-өрнек өнерінің ерекшеліктерімен таныстыру.

Дамытушылық

Теориялық білімдерін жетілдіру, сарамандық жұмыс арқылы білімдерін көрсету.

Тәрбиелік

Әсемдікке, жауапкершілікке, ұқыптылыққа баулу; ой-өрісті дамыту арқылы адамгершілікке тәрбиелеу.

Сабақтың барысы

Ұйымдастыру кезеңі

Мұғалім оқушылармен амандасып, қонақтарға сәлем беруді және бір-біріне жақсы тілектер айтуды ұйымдастырады. Мұғалім оқушыларға сәттілік тілейді.

Әл-Фарабидің нақыл сөзі еске түсіріледі:

«Тәрбие жоқ жерде білім болмайды» — оқу мен тәрбие егіз.

Осыған сай сабақ бойы мәдениеттілік пен адамгершілік қағидалары сақталады.

Сабақтың тақырыбы

Ою-өрнекті қиып жапсыру. Ою-өрнек тұрмыстық бұйымдарда, үй жиһаздарында, киім-кешек және басқа да заттарда кең қолданылады.

Слайд: Ұлттық бұйым түрлері Әр сұраққа фишка

Үй тапсырмасын тексеру

1) Ою-өрнек дегеніміз не?

Ою-өрнек — белгілі бір тәртіппен орналасқан элементтерден құралған өрнек.

2) Ою-өрнек неше топқа бөлінеді?

Төрт топқа бөлінеді: жануар тектес, өсімдік тектес, ғарыштық, геометриялық.

Сайыс сабағының құрылымы

Оқушылар екі топқа бөлінеді (екі түрлі ою арқылы). Әр кезеңде жауап пен орындалған жұмысқа сәйкес фишка беріледі. Сайыс 6 кезеңнен тұрады.

Топтар

  • 1-топ: «Шебер қолдар»
  • 2-топ: «Өнерлі қыздар»

Кезеңдер

  1. «Атымда ізгі сырым бар» — таныстыру
  2. «Кім білгір?» — сұрақ-жауап
  3. «Ойлы болсаң озып көр» — берілген оюдың жасалу жолын айту және көрсету
  4. «Ою ойғанның ойы ұшқыр» — үлгі бойынша ою сызып, қиып, жапсыру
  5. «Өлеңшінің сөзі алтын» — ою-өрнекке байланысты өлең оқу
  6. «Сұрақ бізден — жауап сізден» — қорытынды сұрақтар

1-кезең: «Атымда ізгі сырым бар» (таныстыру)

«Шебер қолдар»

Шебер біздің атамыз,
Шебер біздің әжеміз.
Шебер болған бабамыз да,
Біз де шебер боламыз.

«Өнерлі қыздар»

Өнерлінің қолы алтын,
Өлеңшінің сөзі алтын.
Өнер-білім шыңында,
Құрметтейміз ата салтын.

2-кезең: «Кім білгір?» (сұрақ-жауап)

1) Композиция дегеніміз не?

Ою-өрнекті бір заттың бетіне реттеп орналастыру.

2) Симметрия дегеніміз не?

Ою-өрнектің екі жағының бірдей болуы.

3) Ырғақ дегеніміз не?

Ою-өрнекте бір элементтің қайталанып отыруы.

4) «Оюлар өлеңін» кім жазды?

Ф. Оңғарсынова.

5) Қазақ ұлттық ою-өрнектерінің бастапқы элементтері қай дәуірде салынды?

Тас дәуірінде.

3-кезең: «Ойлы болсаң озып көр»

Әр топқа берілген оюдың жасалу жолын түсіндіріп, кезең-кезеңімен көрсетеді. Жұмыс барысында дәлдік пен реттілік бағаланады.

Сергіту сәті

Би: «Қара жорға».

Қауіпсіздік ережелері

1) Қайшымен жұмыс

  • Қайшыны ашық тастамау.
  • Бір-бірімізге тұтқасымен ұсыну.
  • Жоғары қаратып ұстамау.
  • Арнайы қорапта сақтау.

2) Желіммен жұмыс

  • Желімді ашық тастамау.
  • Таза әрі ұқыпты жұмыс жасау.

4-кезең: «Ою ойғанның ойы ұшқыр»

Берілген үлгі бойынша оюды сызып, қиып, матаға жапсырады. Дәлдігі, симметриясы және орындау мәдениеті ескеріледі.

Сызу Қию Жапсыру

5-кезең: «Өлеңшінің сөзі алтын»

Ою-өрнек тақырыбына байланысты өлеңдер оқылып, мәнерлеп оқу және мазмұнды жеткізу шеберлігі бағаланады.

6-кезең: «Сұрақ бізден — жауап сізден»

Қорытынды бөлімде бес түрлі ою беріледі. Оқушылар плакаттан оюдың атауын тауып, сәйкес тапсырманы орындайды.

Бағалау

Жеңімпаз топ фишкаларды санау арқылы анықталады.

Үй тапсырмасы

Оюға таспа бастырып тігу.