Сабақ жоспары: Сөз таптары - Зат есім

Сабақтың мазмұны

Тақырып

Сөз таптары. Зат есім

Сабақ түрі

Жаңа сабақ

Мақсаты

Оқу және жазу дағдыларын қалыптастыру, жеке тұлғаның қалыптасуы мен дамуына мүмкіндік жасау.

Міндеттері

Білімділік

Сауатты жазу дағдыларын қалыптастыру.
Сөз таптары және зат есім туралы түсінікті жүйелеу.

Дамытушылық

Сөйлемдерді сауатты жаза білу қабілетін дамыту.
Сөз таптарын ажырата білу дағдысын дамыту.

Тәрбиелік

Ұқыптылыққа тәрбиелеу.
Ұйымшылдыққа баулу.

Құрал-жабдықтар мен әдістер

Көрнекіліктер

Қималы карточкалар
Сызбалар
Борсық пен құстардың суреттері

Әдіс-тәсілдер

Жұптық жұмыс
Топтық жұмыс
Өзіндік жұмыс

Сабақ барысы

1) Ұйымдастыру және өткенді қайталау

Кіріспе

1 Оқушылардың сабаққа дайындығын тексеру.
2 Өткенді қайталау: 3 оқушы тақтаға шығып, сөйлемді жалғастырады.

Сөйлемдерді жалғастыруға арналған тірек сұрақтар

Айналаңа бір сәт зер салып қарашы. Сені жан-жағыңнан заттар қоршап тұр. Осы заттардың атын білдіретін сөздерді … дейміз.

Заттардың қимылын, іс-әрекетін білдіретін сөздер … деп аталады.

Заттар әр түрлі белгілерге (түрі, түсі, сапасы, саны) ие. Тілімізде мұндай белгілер … және … арқылы беріледі.

Сөйлемдерде не туралы айтылды? Зат есім, етістік, сын есім, сан есім. Бір сөзбен: сөз таптары.

2) Жаңа тапсырмаларды қалыптастыру

Жаңа білім

Дәптермен жұмыс

Каллиграфиялық минут: әріп элементтерін көркем жазу.

Суретпен жұмыс

Суреттерге қара. Құстардың атын білмеген жағдайда, оларды анықтау үшін қандай сұрақ қоясың? Ал басқа суреттердегі заттарға қандай сұрақтар қоясың?

Оқушы жауабы үшін орын:

Сергіту сәті

Қысқа қимыл-қозғалыс жаттығулары орындалады.

3) Жаңа білімді бекіту

Бекіту

3-жаттығу: кестені толтыр

Берілген сөздерді сөз таптарына бөліп жаз: жұлдыз, тау, ата, көк, екі, үлкен, ақын, жеті, жуынды, жүзді, жасыл, әке.

Зат есім	Етістік	Сын есім	Сан есім

4-жаттығу: екі топқа бөліп жаз

Берілген сөздерді зат есім және етістік болып екі топқа бөліп жаз.

Мәтінмен жұмыс (146-бет)

Мәтінді көшіріп жаз. Зат есімдерді тауып, астын сыз. Әр зат есімге сұрақ қой.

5-жаттығу: бір сөзбен ата

Түйе, жылқы, сиыр, ешкі — …

Сұрақ қой: кім? не?

Кесе, тәрелке, қазан, ожау — …

Сұрақ қой: не?

Қияр, қызанақ, қызылша, орамжапырақ — …