Сөзінің салмағы - алтындай, Ойының салмағы - қартыңдай. Мінезі - Меккенің төріндей, Мұң-шері - базардың нарқындай. Көздері - көгілдір көктемдей, Сезімі - жұпарын төккендей. Қос қабақ қабарса маңдайда, Қара нар қайғыдан шөккендей. Жүрегі - жап-жасыл жұмақтай, Жанары - сөнбейтін шырақтай. Күлгені - күмістің сыңғыры, Мүсіні- жараған құр аттай. Жанына тең келмес ешбірі, Тәні де тәнті еткен естіні. Бейнетін жеңетін сабыры, Бостан-бос өтпейтін бес күні. Сөйлесе аузынан жыр ұшқан, Мекені - мерейлі гүлстан. Адамның барлығы - тамырлас, Адалдың барлығы - туысқан. Маңайы - мөлдір су, жасыл бақ, Қолыңа қондырсаң - тосын бақ. Әйелдей әуелгі перизат, Адамды көрсеңдер асылзат - Сол МЕНМІН!