Мемлекеттік рәміздер — кез келген мемлекеттің егемендігі мен біртұтастығын айқындайтын, оның ажырағысыз атрибуттарының бірі. Қазақстан Республикасында мемлекеттік рәміздер ретінде Мемлекеттік Ту, Мемлекеттік Елтаңба және Мемлекеттік Әнұран бекітілген.

Мерекелік іс-шара туралы

Атаулы күн Шұға ауылындағы «Балдырған» жазғы демалыс лагерінде тәрбиешілер Айман Қабдікарімқызы мен Іңкар Келденқызының жетекшілігімен жоспарланып, жоғары деңгейде аталып өтті.

Тақырыбы

«Мақтанышым — мемлекеттік рәміздер»

Мақсаты

Елтаңба, Ту, Әнұран туралы білімді нығайту, рәміздердің пайда болуы мен тарихи маңызы жөніндегі түсінікті кеңейту.

Заңнамалық негіз

Қазақстан Республикасының мемлекеттік рәміздері туралы Конституциялық заң 2007 жылғы 4 маусымда қабылданды. Осы заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде аталып өтеді.

Құттықтау сөзі

Мектеп директоры Бағадат Мұғаммарұлы жиналған жұртшылықты құттықтап: «Тәуелсіздігіміздің тұмарына айналған мемлекеттік рәміздеріміз болашаққа бет түзеген ұлы көшімізді демеп, игі істерімізді қолдай бергей!» — деген ізгі тілекпен қорытындылады.

Бағдарлама және қорытынды

Іс-шара соңында демалушылар патриоттық әндер айтып, түрлі викториналық сұрақтарға жауап берді. Интербелсенді тақтадан мазмұнды слайдтар көрсетіліп, мереке Қазақстан Республикасының Әнұранымен аяқталды.

Әрдайым еліміз тыныш, халқымыз аман, Туымыздың мәртебесі биік болсын!