Тантай батыр елшілігі (1718)

Тантай батыр елшілігі — 1718 жылдың желтоқсанында Қайып ханның Ресеймен келіссөз жүргізу үшін Қазан қаласына жіберген дипломатиялық миссиясы.

Елшіліктің құрамында Тантай Арыстановпен бірге Тоғынұр батыр Құлтабаев болды.

Миссияның негізгі мақсаты

  • Қазақ жеріне келген орыс елшісі Федор Жилинді Қазан қаласына жеткізіп салу.
  • Қазан губернаторы П. С. Салтыковпен жоңғарларға қарсы бірлескен әскери қимылдарды талқылау.

Келіссөз барысында Қазан губернаторы елшіліктің жоңғарларға қарсы бірлесе күресу жөніндегі ұсынысын қабылдағанымен, мұндай келісімді Ресейдің орталық үкіметі мақұлдамады.